पानी परेसँगै किसानहरूमा आस
पाँचथर । पाँचथरका उच्च पहाडी भेगमा हिउँ र पानी परेसँगै किसानहरूमा आस पलाएको छ ।
यसवर्ष हिउँद भरि पानी नपर्दा किसानहरू चिन्तित भएका थिए । नयाँ खेती लगाउने काम हुन सकेको थिएन । बुधबार बिहान बाट जिल्लाका उच्च भेगमा हिउँ र अन्य ठाउँमा सामान्य पानी पर्दा किसान खुसि भएका हुन ।
पूर्वी पहाडी जिल्ला धनकुटा, तेह्रथुम, पाँचथर, इलाम, ताप्लेजुङका किसानहरू अझै ठुलो पानीको आसमा छन् । गाउँमा प्रमुख नगदे बाली अलैँची सुकेको थियो भने किसानले मकै लगाउन पाएका थिएनन् । “अलैँचीको टुसा पलाउने र फूल लाग्ने बेला भएकोले आजको पानीले एकदमै फाइदा पुगेको“ याङवरक ओयामका कृषक विर्ख योङ्याले बताउनु भयो ।
मकै, अदुवा, तरकारी, चैतेधान र लेकाली क्षेत्रमा आलु रोप्न पनि अझै पानीको आवश्यक छ । “बारीमा आलु, मकै लगाएको उम्रिन सकेको छैन आज पानी सिमसिम मात्रै पर्याे अझै ठुलो एक दुई झर परे हुन्थ्यो “ फालेलुङ ६ सिदिनका कृषक डम्बर राईले भन्नुभयो । राई जस्तै अधिकांश किसान पानीको पर्खाइमा छन् ।
प्रतिक्रिया राख्नुहोस्