मुगुमा भिरबाट लडेर एक जनाको मृत्यु
मुगु । मुगुमा बिहीबार भिर बाट खसेर एक जनाको मृत्यु भएको छ ।
छायाँनाथ रारा नगरपालिका वडा नं-७ आल्लाधुन भन्ने स्थानमा वडा नं-७ कै साहानीवाडाका ५९ वर्षीय गोविन्द साहनीको मृत्यु भएको जिल्ला प्रहरी कार्यालय मुगुका प्रहरी नायब उपरीक्षक वीरेन्द्र थापाले जानकारी दिनुभयो ।
मृतक साहनीको भिरबाट लडेर घटना स्थलमै मृत्यु भएको प्रहरीले जनाएको छ ।
घटना बिहीबार दिउँसो भएपनि प्रहरीलाई स्थानीयले २ बजेर ४५ मिनेटमा खबर गरेको प्रहरीले बताएको छ ।
खबर थाहा पाउनासाथ नेपाल प्रहरीको टोली घटना स्थलमा पुगेर आवश्यक प्रक्रिया गरी शवलाई पोस्टमार्टमको लागि हिजो नै जिल्ला अस्पताल ठिनी ल्याई आवश्यक प्रक्रिया अघि बढाइएको प्रहरीले जनाएको छ ।
प्रतिक्रिया राख्नुहोस्