विनियोजन विधेयक २०८१ राष्ट्रिय सभामा पेश
काठमाडौँ । राष्ट्रिय सभाको आजको बैठकमा अर्थमन्त्री वर्षमान पुनले विनियोजन विधेयक २०८१ पेश गर्नुभएको छ ।
यसअघि सचिव डा. सुरेन्द्र अर्यालले विनियोजन विधेयक २०८१ का सम्बन्धमा प्रतिनिधि सभाबाट प्राप्त सन्देश टेबुल गर्नुभएको थियो ।
त्यसअघि सांसदहरुले समसामयिक विषयमा सरकारको ध्यानाकर्षण गराउनुभएको थियो ।
बैठकको विशेष समयमा बोल्दै सांसदहरुले जाजरकोट भूकम्प पीडितले अझै पनि राहात प्राप्त गर्न नसकेको, बलात्कार जस्ता आपराधिक क्रियाकलाप रोक्न सजायमा कडाई र सचेतना अभिवृद्धि गर्न सरकारको ध्यानाकर्षण गराउनुभयो ।
बैठकमा सांसदहरुले अर्थतन्त्रको वृद्धिका लागि सरकारी र नीजि क्षेत्रबिच सन्तुलन र समन्वय कायम गरी करको दायरा बढाउनुपर्ने, विप्रेषणबाट प्राप्त रकम उत्पादनमा लगानी गर्दै उद्योग विस्तार गर्नुपर्ने लगायतका सुझाव दिनुभयो ।
यस्तै सांसदहरुले बाढि पहिरोबाट धेरै जनधनको क्षति भएको, एसइई मा अनुत्तीर्ण हुने विद्यार्थी सङ्ख्या धेरै भएको प्रति सरकारको ध्यानाकर्षण गराउनुभयो ।
प्रतिक्रिया राख्नुहोस्