अप्रिलमा जापानको मुद्रास्फीतिमा सामान्य कमी

काठमाडौँ । ग्यासको मूल्यमा गिरावट आएपछि अप्रिलमा जापानी मुद्रास्फीतिको गति सुस्त भएको सरकारी तथ्याङ्कले शुक्रबार देखाएको छ ।

अस्थिर ताजा खाद्य सामग्रीको मूल्यबाहेक उपभोक्ता मूल्य सूचकाङ्क २.२ प्रतिशतमा आएको छ । जापानको आन्तरिक मामिला मन्त्रालयले मार्चमा उक्त दर २.६ प्रतिशत मापन गरेको थियो । यो आँकडा बजारको अपेक्षा अनुरूप थियो र कमजोर येनले आयातित वस्तुको लागि मूल्य वृद्धि गर्दा पनि आउँछ ।

ब्लुमबर्ग इकोनोमिक्सका तारो किमुराले भन्नुभयो, “यो आँकडाले उपभोक्ताको सुस्त मागको प्रतिक्रियामा कम्पनीहरूले मूल्य वृद्धिलाई नियन्त्रण गर्ने कदमलाई प्रतिबिम्बित गर्दछ ।”

“तर खुद मापन अझै पनि बैङ्क अफ जापानको दुई प्रतिशतको लक्ष्यभन्दा माथि छ र पछिल्लो तथ्याङ्कले केन्द्रीय बैङ्कलाई नीति सामान्यीकरण गर्नबाट रोक्ने सम्भावना छैन,” विज्ञप्तिमा भनिएको छ ।

संयुक्त राज्य अमेरिका र अन्य प्रमुख अर्थव्यवस्थाहरूले हालैका वर्षहरूमा आकासिएको मुद्रास्फीतिको सामना गरेपनि जापानमा मूल्य वृद्धि न्यून देखिएको छ । 

बैङ्क अफ जापानको लामो समयदेखिको अति निष्क्रिय मौद्रिक नीतिहरू विश्वको चौथो अर्थव्यवस्थाका रूपमा चिनिने जापानबाट स्थिरता र अपस्फीतिलाई हटाउनको लागि अपनाइएको कदम थियो ।

यसले युक्रेन रूसले थालेको युद्धजस्ता अस्थिर, अस्थायी कारकहरूको कारण मुद्रास्फीतिको विपरीत, दुई प्रतिशतको दिगो मागद्वारा परिचालित मुद्रास्फीतिलाई लक्षित गरिरहेको छ ।

किमुराले भन्नुभयो, “केन्द्रीय बैङ्क एक सदाचारी श्रममूल्य चक्रले भविष्यमा मुद्रास्फीतिलाई बढावा दिनेछ । ज्यालामा वृद्धिले बैङ्कका अधिकारीहरूले माग गरेको दिगो मुद्रास्फीतिलाई साकार पार्न मद्दत पुर्‍याउँछ ।

उहाँले भन्नुभयो, “उपयोगिता शुल्कमा अपेक्षित वृद्धिले आगामी महिनाहरूमा मुद्रास्फीतिको आँकडालाई पनि बढाउनेछ, जुलाई र अक्टोबरमा बैङ्कले दर वृद्धिको लागि राम्रो अवस्था प्राप्त गर्नेछ ।” 

कमजोर येन जापानी निर्यातक र विदेशी आगन्तुकहरूको लागि राम्रो देखिएको छ, तर यसले बाह्य पर्यटकहरूको लागि आयात र विदेशी यात्रालाई अधिक महँगो बनाउनेछ ।

ताजा खाना र ऊर्जा दुवैलाई अलग गर्दै, मूल्यहरू मार्चको २.९ प्रतिशतबाट तल झरी अप्रिलमा २.४ प्रतिशत कायम भएको छ । रासस