पाँचौँ छेडेदह कप फुटबल प्रतियोगिता शुरु

बाजुरा । बाजुराको खप्तड छेडेदहमा हरेक वर्ष खेल पर्वका रुपमा आयोजना गरिने सर्वाधिक धनराशी सहितको छेडेदह कप फुटबल प्रतियोगिता शुरु भएको छ।

सुन्दर नगरीमा हरेक वर्ष खेल पर्व, खप्तड छेडेदहको पहिचान र गर्व भन्ने नारा दिएर खप्तड छेडेदह गाउँपालिका सँगको सहकार्यमा फुटबल प्रतियोगिता आजबाट शुरु भएको छेडेदह स्पोर्ट्स क्लबका अध्यक्ष लोकेन्द्र खड्काले बताउनुभयो।

फुटबल प्रतियोगिताको सुदूरपश्चिम प्रदेश सभा सदस्य जुना दानीले उद्घाटन गर्नुभएको हो।

प्रतियोगिताको प्रथम पुरस्कार २ लाख ३५ हजार ३ सय ३५ रुपैयाँ रहेको छ । उपविजेतालाई १ लाख २५ हजार २ सय २५ रुपैयाँ दिइने छ ।

प्रतियोगिता खप्तड छेडेदह गाउँपालिका ७ स्थित दशरथ माध्यमिक विद्यालयको खेल मैदानमा सञ्चालन भइरहेको छ।

प्रतियोगिताका यो पाँचौँ संस्करण हो ।