विवाह पञ्चमीमा पाकेटमारीमा संलग्न २७ महिला सहित ५१ पक्राउ
जनकपुरधाम । जनकपुरधाममा जारी विवाह पञ्चमीमा पाकेटमारीमा संलग्न रहेका ५१ जनालाई धनुषा प्रहरीले पक्राउ गरेको छ ।
भिडभाडको मौका छोपेर पकेटमारीमा संलग्न भएका मध्ये केहीलाई मेला सुरु हुनु अघि नै तथा केहीलाई मेलाबाट पक्राउ गरिएको जिल्ला प्रहरी कार्यालय धनुषाले जनाएको छ ।
पक्राउ परेकाहरूलाई हिरासतमा राखिएको छ । पक्राउ पर्नेहरूमा २४ पुरुष तथा २७ महिला रहेका छन् ।
त्यसमा २६ महिला पाकेटमारमध्ये १ जना भारतीय रहेको जिल्ला प्रहरी कार्यालय धनुषाका प्रहरी निरीक्षक दिनेश अधिकारीले जानकारी दिनुभयो । पुरुष पाकेटमारमध्ये १३ नेपाली र ११ भारतीय रहेका उहाँले बताउनुभयो ।
प्रतिक्रिया राख्नुहोस्