कोरोना विरुद्धको खोपको लागि अस्पतालहरू तोकिए,आज बाट खोप लगाउन शुरु

काठमाडौँ । स्वास्थ्य तथा जनसङ्ख्या मन्त्रालयले आजबाट पुनः कोरोना विरुद्धको खोप कार्यक्रम सञ्चालन गर्ने भएको छ ।

चैत २२ गतेको स्वास्थ्य तथा जनसङ्ख्या मन्त्रालयको निर्णय अनुसार दोस्रो चरणको कोभिड–१९ विरुद्धको खोप अभियान अन्तर्गत आज  देखि चीनमा छात्रवृत्तिमा अध्ययन गर्ने विद्यार्थी, चीनमा अध्ययनमा जाने तयारीमा रहेका व्यक्ति, हिमालय पार व्यापार गर्ने नेपाली व्यापारी, अत्यावश्यक सेवामा काम गर्ने कर्मचारी व्यक्ति, होटेल, ट्रेकिङ, विज्ञापन र इन्टरनेट क्षेत्रमा काम गर्ने व्यक्ति, औषधि, फलफूल, तरकारी लगायतका व्यापारी, प्राध्यापकहरू लगायतलाई कोभिड–१९ विरुद्धको खोप लगाउने कार्यक्रम भएको जानकारी मन्त्रालयले गराएको छ  ।