२०७९ साल भदौ २ गते बिहीबार

तपाईँ सुन्दै हुनुहुन्छः

चिसोका कारण कञ्चनपुरसहित तराईको जनजीवन प्रभावित

हरिश चन्द्र बाग २०७६ पुष १४ गते १४:२८

फाइल तस्बिर

कञ्चनपुर । शीतलहरसँगै अत्यधिक चिसो बढेपछि कञ्चनपुरलगायत तराईका जिल्लाहरुको जनजीवन प्रभावित बनेको छ । पछिल्लो केही दिनयता तापक्रम क्रमिक रुपमा घट्दै जाँदा जनजीवन प्रभावित बन्न पुगेको हो । चिसोबाट बालबालिका तथा वृद्धवद्धा बढी प्रभावित बनेका छन् ।

चिसो बढेपछि कञ्चनपुरका प्रायः स्थानीय तहहरुले सामुदायिक बनहरुको सहयोगमा चोकचोकमा दाउरा वितरणसमेत गर्न थालेका छन् ।

यसैबीच, कञ्चनपुरको बेल्डाँडी गाउँपालिकाले सोमबारदेखि पाँच दिनसम्मका लागि सबै बिद्यालय बन्द गराएको छ । अत्याधिक चिसोका कारण पठनपाठनमा समस्या देखिएपछि गाउँपालिकाले बृहत छलफल गर्दै सञ्चित बिदाबाट मिलान हुुने गरी १८ गतेसम्म बिदा दिने निर्णय गरेको बेलडाँडी गाउँपालिकाका प्रमुख प्रशासकीय अधिकृत गणेशदत्त भट्टले जानकारी दिनुभयो ।

यदि बिदाको बीचमा मौसममा सुधार आएमा बिद्यालय सुचारु गर्न सकिने गाउँपालिकाले जनाएको छ ।

 

सम्बन्धित