तपाईँ सुन्दै हुनुहुन्छः

पर्यटकीय गन्तब्यको सूँचीमा नेपाल पहिलो

काठमाडौं । भ्रमणबर्ष सुरू हुन लाग्दैगर्दा नेपालका लागि अर्को सुखद् समाचार छ ।

नयाँ दशक अर्थात सन् २०२० को पूर्वसन्ध्यामा न्युयोर्ककी क्याथरिन पार्कर(मग्यरले भ्रमण गर्नका लागि १० वटा गन्तब्यलाई मुख्य प्राथमिकतामा राख्दै आफ्नो अनुभव समेट्दै र्फोस पत्रिकामा घुम्नुपर्ने ठाउँमा पहिलो नम्बरमा नेपाल भएको भन्दै लेख प्रकाशित गरेकी छिन् ।

गत शनिवार उनको यो अनुभवसहितको ुफोब्सर््ु मा प्रकाशित लेखमा मग्यरले उल्लेख्य पर्यटकीय गन्तव्यअन्तर्गत इक्वेडर, न्युजिल्याण्ड, पेरू, अलास्का, ब्राजिल, मोरक्को, चीन, फिनल्याण्ड र केन्यालगायत १० वटा गन्तब्यमध्ये नेपाललाई एक नम्बरमा सूचीकृत गरेकी छन्। सन् २०२० मा ुवन्स इन अ लाइफटाइमु अन्तर्गत एड्भेन्चरस र लक्जरियस पर्यटनमा नेपाललाई पहिलो गन्तब्यमा सूचीकृत गरिएको रिपोर्टमा छ।
रिपोर्टमा एमाजोनको घना जंगली भूभागदेखि संसारकै सबैभन्दा उचाइमा रहेको सगरमाथासम्मका गन्तब्यका बारेमा वर्णन गरिएको छ । सगरमाथा आरोहणलाई एडभेन्चरस टुरिजमका लागि मुख्य प्रोडक्टका रूपमा मग्यरले चित्रण गरेकी छन्।

नेपाल भ्रमणका लागि पर्वतारोहणमा पोख्त हुनैपर्ने आवश्यकता नरहेको लेखमा छ। ब्याक प्याकिङबाहेक नेपाल आफैंमा प्राकृतिक सौन्दर्यता भरिपूर्ण र काठमाडौंको द्वारिकाज होटलले जीवित संग्रहालयको आभास दिनुका साथै वर्दिया र चितवन राष्ट्रिय निकुञ्जमा जंगल सफारीमार्फत प्रत्यक्ष रूपमा वन्यजन्तुको अवलोकन गर्दाको अनुभव उनले उल्लेख गरेकी छन्।

फाप्लुस्थित सर एडमण्ड हिलारीको आवास ुह्याप्पी हाउसु र वर्दियाको कर्णाली लज पर्यटकका लागि थप आकर्षकको केन्द्रविन्दु छ। न्युयोर्कका लागि नेपाल परिदृश्यको उल्लेखनीय विविधता रहेको मानिएको छ। पर्यटसले नेपालको पश्चिमी क्षेत्रबाट आफ्नो भ्रमण सुरू गर्नु उपयुक्त रहेको उनले बताएकी छन्। हात्ती सफारीका लागि उनले सन् १९६४ मा पारिवारद्वारा संचालित टाइगर टप्सको भगिनी कम्पनी थारूलज मार्फत सिफारिस गरेकी छन्।

चितवनमा हात्तीमार्फत जंगल सफारीसँगै नारायणी नदीको तिरमा बसेर सूर्य नमस्कारको मनोरम दृश्यावलोकन गर्न सकिने लेखमा छ। चितवनमा एकसिङे गैंडा र बाघ लगायत विभिन्न प्रजातिका वन्यजन्तु हेर्न र तिनको आवाज सहजै सुन्न सकिन्छ। नेपालमा पर्यटकले भ्रमणका क्रममा मौसममा आमुल परिवर्तनको आभास गर्न सक्ने छन्। माउन्टेन ट्राभल ट्रेकिङमार्फत पर्यटकले भीडभाडको चिया पसल, व्यक्तिगत रूपमा क्याम्पिङ गर्न लगायत विभिन्न अवसर प्राप्त गर्न सक्ने उनले जनाएकी छन्। धुलिखेलस्थित द्वारिकाज रिसोर्टमा पर्यटकले सूर्य नमस्कार, योगा प्याकेज, मेडिटेसन, हिमालयन रक साल्ट रूम, चक्र साउण्ड थेरापी लगायत वेलनेस क्रियाकलापको सुविधा लिन सक्ने पनि उनको लेखमा छ।

नेपालमा पर्वतारोहणका लागि पर्यटकले कम खर्चमै अत्यधिक मनोरञ्जन लिन सकिन्छ । हेलिकोप्टर उडानमार्फत १८ हजार फिट उचाईमा गएर स्याम्पेन लिएर ुटोष्टु मनोरञ्जन गर्न सकिने रोमाञ्चलाई पनि उनले आफ्नो रपोर्टमा उल्लेख गरेकी छन्। नेपाल उत्साहपूर्ण अनुभवको केन्द्रविन्दु रहे पनि पर्यटन क्षेत्रलाई पुँजीकरण गर्न नसकेको अवस्था भने नरमाइलो लाग्ने पनि उनको लेखमा छ ।

प्रतिक्रिया राख्नुहोस्

Back to top button