२०७८ साल असोज ३१ गते आइतबार

तपाईँ सुन्दै हुनुहुन्छः

ललितपुरमा पानी भण्डारण ट्याङ्की बनाइने

रेडियो नेपाल २०७६ भदौ १३ गते १४:०६

ललितपुरललितपुर महानगरभित्र पानी भण्डारणका लागि ट्याङ्की बनाइने भएको छ । महानगर वरपर विपद् र आगलागी हुँदा अग्नि नियन्त्रणका लागि सो ट्याङ्की बनाउन लागिएको हो ।

महानगरभित्र सात ट्याङ्की निर्माण गर्ने योजना अघि बढेको वडा नं १२ का वडाध्यक्ष नारायणलाल अवालेले बताउनुभयो । “ मङ्गलबजारस्थित वडा नं ११ मा ३० हजार लिटरको सो ट्याङ्की निर्माण अन्तिम चरणमा पुगेको छ”, उहाँले भन्नुभयो, “यसैगरी वडा ११ इखाक्ष्य, वडा नं नौ नटोल र वडा नं १६ नकबहिलमा २५ हजार लिटर क्षमताकोे पानी भण्डारण ट्याङ्की बनाउने योजना पारित भइसकेको छ ।” महानगरपालिकाको शहरी क्षेत्रमा पानीको अभाव भएकाले सङ्कटका बोला सो ट्याङ्कीमा भण्डारण गरेको पानीले निकै सहयोग पुग्ने बताइएको छ ।

यसैगरी महानगरका अन्य वडा हरिसिद्धि, खोकना र बुङ्मतीको शहरी क्षेत्रमा पनि तीन ट्याङ्की निर्माण गर्ने योजना अघि बढिसकेको जानकारी दिँदै उहाँले भन्नुभयोे, “ती तीन ट्याङ्की निर्माणको काम भने यस चालू आर्थिक वर्षको योजनामा राखेका छौँ । त्यसका लागि रु पाँचदेखि छ लाख सम्म लाग्नसक्ने अनुमान गरिएको छ ।”

ती ट्याङ्कीमा भण्डारण गरिने पानी आवश्यक परेको समय पिउन मिल्ने गरी स्वच्छ र सफा पानी खरीद गरेर भण्डारण गरिने तर आकाशेपानी भने भण्डारण नगरिने उहाँले जानकारी दिनुभयो ।
रासस

सम्बन्धित