२०७८ साल मंसिर २२ गते बुधबार

तपाईँ सुन्दै हुनुहुन्छः

पुलिस क्लब फाइनलमा प्रवेश

रेडियो नेपाल २०७६ जेठ २३ गते १८:१७

परेश सापकोटा । नेपाल पुलिस क्लब पूर्व विजेता नेपाल ए पि एफ क्लबलाई हराउँदै जारी प्रधानमन्त्री कप एक दिवसीय राष्ट्रिय क्रिकेट प्रतियोगिताको फाईनलमा प्रवेश गरेको छ ।

त्रिवि क्रिकेट मैदान कीर्तिपुरमा बिहिबार भएको दोस्रो सेमिफाईनलमा नेपाल पुलिस क्लबले नेपाल ए पि एफ क्लबलाई ५ विकेटले पराजित गर्दै फाईनलको यात्रा तय गरेको थियो ।

पहिलो ब्याटिङ्ग गरेको नेपाल ए पि एफ ले २१.१ ओभरमा मात्र ४१ रन बनाउँदा सबै विकेट गुमाउन पुग्यो । ए पि एफ का कुनै पनि ब्याट्स् म्यानले दोहोरो रन बनाउन सकेनन् ।

नेपाल पुलिस क्लबका ललित राजवंशीले सर्वाधिक ४ विकेट लिए भने सागर ढकाल र कुषल भुर्तेलले समान ३ विकेट लिएका थिए ।

सामान्य ४२ रनको लक्ष्य प्राप्त गर्न पनि नेपाल पुलिस क्लबलाई धाउ धाउ परेको थियो ।

नेपाल पुलिस क्लबे ९.३ ओभरमा ५ विकेटको क्षतिमा विजयी लक्ष्य प्राप्त गरेको थियो ।

छैठौँ नम्बरमा ब्याटिङ्ग गर्न आएका पवन सराफले अविजित रहेर २१ रनको योगदान गर्दै नेपाल पुलिस क्लबको जित सुनिश्चित गरेका थिए ।

नेपाल पुलिस क्लबका लागि ४ विकेट लिने ललित राजवंशी यस खेलको प्लेएर अफ दि म्याच घोषित भए ।

नेपाल पुलिस क्लबले अब त्रिवि क्रिकेट मैदान कीर्तिपुरमा शनिबार हुने फाईनलमा त्रिभुवन आर्मी क्लबको सामना गर्नेछ ।

सम्बन्धित