दक्ष एवम् सक्षम जनशक्ति आवश्यकः मन्त्री पोखरेल
पुष्करराज बुढाथोकी, भक्तपुर । शिक्षा विज्ञान तथा प्रविधि मन्त्री गिरीराजमणी पोखरेलले समाजवाद उन्मुख समृद्घ राष्ट्र निर्माणका लागि दक्ष एवम् सक्षम जनशक्ति आवश्यक रहेको बताउनुभएको छ ।
आज भक्तपुरमा सार्वजनिक बिद्यालय रुपान्तरण अभियान बिषयक राष्ट्रिय सम्मेलनमा मन्त्री पोखरेलले सार्वजनिक शिक्षाको गुणस्तरमा जोड दिनुपर्ने बताउनुभयो ।
मन्त्री पोखरेलले मुलुकलाई आवश्यक पर्ने जनशक्ति विकासका लागि सबै क्षेत्रको समन्वय जरुरी रहेको बताउनुभयो ।
शिक्षा सचिव खगराज बरालले विद्यालयको सुधार सँगसँगै सवै वालवालिकालाई विद्यालय भर्ना गर्ने र गुणस्तरीय शिक्षा प्रदान गर्ने अभियान सहित विद्यार्थी भर्ना अभियान कार्यक्रमलाई निरन्तरता दिइरहेको बताउनुभयो ।
प्रतिक्रिया राख्नुहोस्