कैलालीमा ११ हजार मतदाता थपिए
धनगढी । कैलालीमा ११ हजारभन्दा बढी नयाँ मतदाता थपिएका छन् ।
कैलालीमा योसँगै कुल मतदाता सङ्ख्या ५ लाख ३६ हजार ५५५ पुगेको छ । यसअघि कैलालीमा ५ लाख २५ हजार १२५ मतदाता रहेका थिए ।
क्षेत्रीय निर्वाचन कार्यालय धनगढीका प्रमुख प्रेमराज भट्टले असार १ गतेबाट सुरु भएको नयाँ मतदाता नामावली दर्ता कार्यक्रम साउन १९ गतेसम्म चलेको र त्यस अवधिमा ११ हजार ४ सय ३० जना नयाँ मतदाता थपिएको बताउनुभयो ।
यसैगरी, जिल्लामा एक मतदानस्थल थप गरिएको र तीन वटा मतदान स्थल सारिएको उहाँले जानकारी दिनुभयो ।
कैलालीमा ५ वटा प्रतिनिधिसभा सदस्य निर्वाचन क्षेत्र र १० वटा प्रदेशसभा सदस्य निर्वाचन क्षेत्र रहेका छन् ।
प्रतिक्रिया राख्नुहोस्