२०७९ साल असोज १९ गते बुधबार

तपाईँ सुन्दै हुनुहुन्छः

राष्ट्रिय भूमि आयोगद्वारा बारामा जग्गा नाप जाँचको काम सुरु

रञ्जन यादव २०७९ साउन २२ गते २०:४२

बारा । राष्ट्रिय भूमि आयोगले बाराको जीतपुरसिमरा र कोहल्वी नगरपालिकामा जग्गा नाप जाँचको काम सुरु गरेको छ ।

आयोगले जिल्लाका १६ स्थानीय तहमध्ये पहिलो चरणमा २ पालिकामा काम सुरु गरेको हो । जीतपुरसिमरा, निजगढ, कोहल्वी, पचरौता, महागढीमाई नगरपालिका, सहित सुवर्ण र फेटा गाउँपालिका गरी जिल्लाका ७ वटा स्थानीय तह र आयोगबिच सम्झौता भइसकेको छ ।

राष्ट्रिय भूमि आयोगका बारा जिल्ला विज्ञ सदस्य केदार गौतमले भूमिहीन दलित, भूमिहीन सुकुम्बासी र अव्यवस्थित बसोबास भन्दा बाहिर गएर पुर्जा वितरणको त्रुटिपूर्ण काम आयोगबाट नहुने बताउनुभयो ।

राष्ट्रिय भूमि आयोगले भूमिहीन दलित र भूमिहीन सुकुम्बासीको हकमा ७ दिने र अव्यवस्थित बसोबासीको हकमा १५ दिनको दाबी विरोधको सूचना निकालेर सोही सूचनाका आधारमा वडाबाट प्राविधिक कर्मचारी माग गरेर वडाबाट खटिएको प्राविधिक टोलीले जग्गा नापको काम सुरु गरिने जनाएको छ ।

सम्बन्धित