सुडान घोटालाका दोषी भारती पक्राउ
काठमाडौं । नेपाल प्रहरीले सुडान घोटालाका दोषी शम्भु भारतीलाई पक्राउ गरेको छ ।
नेपाल प्रहरी केन्द्रीय अनुसन्धान ब्यूरोको टोलीले आज बिहान ललितपुरको भैँसेपाटीबाट भारतीलाई पक्राउ गरेको हो ।
राष्ट्र सङ्घीय मिसनका लागि आवश्यक सामग्री खरीदमा भएको घोटाला प्रकरणमा २०७४ वैशाख १७ गते विशेष अदालतले भारतीलाई दोषी ठहर गरेको थियो ।
अनुसन्धान ब्यूरोका प्रवक्ता एवं प्रहरी उपरीक्षक दीपक रेग्मीले विशेष अदालतबाट दोषी ठहर भएपछि फरार रहेका भारतीलाई पक्राउ गरेको जानकारी दिदै फैसला कार्यान्वयनका लागि आजै अदालतमा पेश गरेको जानकारी दिनुभयो ।
अदालतले सुडान घोटालाको मुद्दामा तत्कालीन महानिरीक्षकहरु ओमविक्रम राणा, हेमबहादुर गुरङ, रमेशचन्द्र ठकुरीलाई दोषी ठहर गरी सजाँय समेत गरिसकेको छ ।
प्रतिक्रिया राख्नुहोस्