सुदूरपश्चिम प्रदेश सभाको बर्खे अधिवेशन अन्त्य
![](https://onlineradionepal.gov.np/wp-content/uploads/2020/04/sudurpachim-pradesh-sava.jpg)
धनगढी । सुदूरपश्चिम प्रदेश सभाको बर्खे अधिवेशन अन्त्य भएको छ । सरकारको सिफारिसमा प्रदेश प्रमुख नजिर मियाँले गएराती १२ बजे देखि लागू हुने गरि बर्खे अधिवेशन अन्त्य गर्नु भएको बताईएकोे छ । प्रदेश सरकारले अधिवेशन अन्त्यका लागि असार २९ गते प्रदेश प्रमुख समक्ष सिफारिस गरेको थियो ।
प्रदेश प्रमुखको कार्यालयबाट बर्खे अधिवेशन अन्त्य भएको पत्र प्राप्त भएको प्रदेश सभा सचिवालयले जनाएको छ । यस अघि प्रदेश सभाको बैठक असार १ गते बसेको थियो । सुदूरपश्चिम प्रदेश सरकारले ल्याएको आर्थिक बर्ष २०८१/८२ को बजेट प्रदेश सभाबाट पारित नहुँदा प्रदेशमा बजेट शून्यताको अवस्थामा रहेको छ । प्रदेश प्रमुखले बजेट अधिवेशन अन्त्य गरेसँगै अध्यादेशमार्फत बजेट ल्याउने तयारीमा रहेको मुख्यमन्त्री दीर्घ बहादुर सोडारीले बताउनु भयो ।
राजनीतिक समीकरण फेरिएसँगै २० असारमा एमाले सरकारबाट बाहिरिएपछि सोडारी नेतृत्वको सरकार अल्पमतमा परेको छ ।
प्रतिक्रिया राख्नुहोस्