राष्ट्रपति पौडेलद्वारा धान दिवसमा रोपाइँ
![](https://onlineradionepal.gov.np/wp-content/uploads/2024/06/RSS_KTM_PRESIDENTOFFICE_IMG-20240629-WA0007-1024x681.jpg)
काठमाडौँ । आज असार १५ गते अर्थात् धान दिवसको उपलक्ष्यमा राष्ट्रपति भवन शीतल निवासमा रोपाइँ कार्यक्रम आयोजना गरिएको छ । राष्ट्रपति कार्यालयद्वारा आयोजित रोपाइँ कार्यक्रममा राष्ट्रपति रामचन्द्र पौडेल, प्रथम महिला सबिता पौडेलसहितको सहभागिता रहेको थियो ।
![](https://onlineradionepal.gov.np/wp-content/uploads/2024/06/449459275_443935605131488_7989292480731320386_n-1024x681.jpg)
रोपाइँ शुभारम्भ गर्नुहुँदै राष्ट्रपति पौडेलले कृषि पेसा, श्रमको सम्मान, संस्कृति र धान उत्पादनलाई प्रोत्साहन दिन प्रतिकात्मक रूपमा रोपाइँमा सहभागी भएको बताउनुभयो । “पहिले देशमा फलफूल तरकारीभन्दा धानकै बढी उत्पादन हुन्थ्यो । धनधान्य भए पनि धानको मात्र उपयोगले खानामा पोषणत्वको कमी भइरहेको थियो । पछि जब करेसाबारी बढ्न थाल्यो धान कम भएर बाहिरबाट आयात गर्न थालिएको छ”, उहाँले भन्नुभयो, “यसले पनि असन्तुलन भयो ।
![](https://onlineradionepal.gov.np/wp-content/uploads/2024/06/PRESIDENTOFFICE_IMG-20240629-WA00011-1024x681.jpg)
त्यही भएर अब सन्तुलित खानपिनका लागि फेरि धानको उत्पादन, कृषि पेसा र श्रमको सम्मानको संस्कृतिलाई प्रोत्साहन दिन प्रतिकात्मक रूपमा रोपाइँमा सहभागी भएको हुँ”, उहाँले भन्नुभयो । रोपाइँपछि दही चिउरा खाने कार्यक्रम पनि आयोजना गरिएको थियो ।
![](https://onlineradionepal.gov.np/wp-content/uploads/2024/06/448892520_849603470406988_4360770223706133694_n-1024x683.jpg)
प्रतिक्रिया राख्नुहोस्