बिरिङ पुल भत्किदाँ आवत–जावतमा समस्या
झापा । झापाको हुलाकी सडकखण्डअन्तर्गत बिरिङ पुलको पूर्व र पश्चिमपट्टीको भाग वर्षाका कारण भत्किएको छ ।
दुबैतर्फको सडक भत्किएपछि सबैखाले सवारी साधन आवत–जावतमा समस्या भएको छ ।
पुलको पूर्वतर्फको भाग बाह्रदशी गाउँपालिकामा र पश्चिमी भाग झापा गाउँपालिकामा पर्छ । झापा गाउँपालिकाकी कार्यवाहक अध्यक्ष अन्जुदेवी थपलियाले पुलको दुबैतर्फको सडकको भाग भत्किएको जानकारी गराउँदै तत्काल मर्मत गरेर सवारी आवागमनलाई सहज तुल्याउने बताउनुभयो ।
हुलाकी सडक आयोजना कार्यालय इटहरीले मर्मतका लागि चाँडै कर्मचारी पठाउने जानकारी दिएको छ ।
प्रतिक्रिया राख्नुहोस्