अत्तिविपन्न परिवारका लागि निःशुल्क स्वास्थ्य विमा
![](https://onlineradionepal.gov.np/wp-content/uploads/2024/06/13-1024x576.jpg)
गुल्मी । गुल्मी जिल्लाको गुल्मी दरबार गाउँपालिकाले अत्तिविपन्न परिवारका सदस्यहरूको लागि निःशुल्क स्वास्थ्य विमा गरिदिने भएको छ ।
आर्थिक वर्ष २०८१÷ ०८२ को नीति तथा कार्यक्रम प्रस्तुत गर्दै गाउँपालिका अध्यक्ष सरोजकुमार थापाले गाउँपालिका भित्र रहेका अत्तिविपन्न परिवारको पहिचान गरी उनीहरूको निःशुल्क स्वास्थ्य विमा गरिदिने बताउनुभयो ।
गुल्मी दरबार गाउँपालिका भित्रका नागरिकको आर्थिक अवस्था कमजोर भएका, स्वास्थ्य उपचार गराउनबाट बञ्चित भएका नागरिकहरूको स्वास्थ्य विमा गरिने बताउनुभयो ।
त्यस्तै पछिल्लो समयमा जङ्गली जनावर बाँदर र बँदेलले कृषकहरूलाई सताएको भन्दै उक्त समस्याको समाधानमा पनि उचित पहल गरिने पालिकाले जनाएको छ ।
कृषि उत्पादनमा वृद्धि: गुल्मी दरबारको समृद्धिको अवधारणा लिई कृषि क्षेत्रको उत्पादन र उत्पादकत्व वृद्धिका लागि विभिन्न कार्यक्रम सञ्चालन गर्ने भएको छ । गाउँपालिकाले खेत देखी पेट सम्म, गोठ देखी ओठ सम्म कार्यक्रम लिएको छ ।
प्रतिक्रिया राख्नुहोस्