अन्तरपालिका स्तरीय मेयर कप पुरुष भलिबलको उपाधि पाथीभरा याङवरकलाई
![](https://onlineradionepal.gov.np/wp-content/uploads/2024/05/game.png)
ताप्लेजुङ । ताप्लेजुङमा सञ्चालित चौथो अन्तरपालिका स्तरीय मेयर कप पुरुष भलिबलको उपाधि पाथीभरा याङवरक गाउँपालिकाले हात पारेको छ ।
आज (सोमबार) सम्पन्न पालिकास्तरीय भलिबल प्रतियोगितामा सिदिङ्वा गाउँपालिकालाई ३–१ ले पछि पार्दै याङवरक गाउँपालिकाले उपाधि हात पारेको हो ।
ताप्लेजुङ पर्यटन महोत्सवको अवसरमा जेठ ३ गते देखि सञ्चालित प्रतियोगिताको विजेताले नगद २ लाख ७५ हजार १ सय सहित शिल्ड,मेडल र प्रमाणपत्र प्राप्त गरेको छ । उपविजेता सिदिङ्वा गाउँपालिकाले नगद १ लाख ४० हजार १ सय रुपैयाँ सहित शिल्ड,मेडल र प्रमाणपत्र प्राप्त गरेको आयोजक फुङलिङ नगरपालिकाका मेयर अमिर मादेनले जानकारी दिनुभयो ।
सेमिफाइनल पुग्ने सिरिजङ्गा र मिक्वाखोला गाउँपालिकाले समान ४५–४५ हजार रुपैयाँ पाएका छन् । यता खेलाडीको सम्मानका लागि भन्दै खेलाडीले जिते बराबर रकम पाथीभरा याङवरक गाउँपालिकाले थप गरेर खेलाडीलाई वितरण गर्दै आइरहेको छ ।
ताप्लेजुङमा ‘स्थानीय अर्ग्यानिक मेला महोत्सवमा प्रोत्साहन ताप्लेजुङको पर्यटकीय स्थलहरूको प्रचार प्रसार तथा अवलोकन’ भन्ने मूल नाराका साथ विगत पाँच दिन देखि ताप्लेजुङ पर्यटन महोत्सव फङलिङमा सुरु भएको छ ।
प्रतिक्रिया राख्नुहोस्