लुम्बिनी प्रदेश सरकार विस्तार ; शपथग्रहण आजै
दाङ। लुम्बिनी प्रदेशका मुख्यमन्त्री जोखबहादुर महराले सरकार विस्तार गर्नु भएको छ ।
मुख्यमन्त्री महराले एमालेबाट ४ जना नागरिक उन्मुक्ति र स्वतन्त्रबाट एक एक जना गरी ६ जना विना विभागीय मन्त्री नियुक्त गर्नु भएको हो ।
एमालेका भूमिश्वर ढकाल, रत्नबहादुर खत्री, र अर्जुन कुमार केसी रहेका छन् भने नागरिक उन्मुक्तिका धर्मबहादुर चौधरी र स्वतन्त्रबाट निर्वाचित खड्ग बस्नेत विनाविभागिय मन्त्री नियुक्त हुनु भएको हो ।
मुख्यमन्त्री महराले यसअघि नियुक्त भएका ३ जना विना विभागीय मन्त्रीहरू चेतनारायण आचार्यलाई आर्थिक मामिला तथा योजना मन्त्रालय, दिपेन्द्र कुमार पुन मगरलाई स्वास्थ्य मन्त्रालय र भण्डारीलाल अहिरलाई कृषि तथा भूमि व्यवस्था मन्त्रालयको जिम्मेवारी तोक्नु। भएको थियो ।
बिहीबार विस्तार गरिएको मन्त्रीमण्डल सँगै लुम्बिनी प्रदेश सरकार १० सदस्यीय पुगेको छ ।
आज नियुक्त भएका विनाविभागिय मन्त्रीहरूको शपथग्रहण आजै गराउने तयारी छ । साना दलहरूले भने आजको मन्त्रीमण्डल नियुक्तिमा असन्तुष्टि जनाएका छन् ।
प्रतिक्रिया राख्नुहोस्