युवासंघ नेपाल र मेडिकल व्यवसायी दुर्गा प्रसाईँ समूहको काठमाडौँमा शक्ति प्रदर्शन
काठमाडौँ । नेकपा एमालेका नेता महेश बस्नेतको नेतृत्वमा युवासंघ नेपाल र मेडिकल व्यवसायी दुर्गा प्रसाईँ समूहले काठमाडौँमा शक्ति प्रदर्शन गरेका छन् ।
युवासंघका लागि तीनकुनेमा र मेडिकल व्यवसायी दुर्गा प्रसाईँ समूहका लागि बल्खु प्रदर्शन क्षेत्र तोकिएको छ ।
दुई पक्षको प्रदर्शनमा हिंसात्मक गतिविधि हुन सक्ने भन्दै जिल्ला प्रशासन कार्यालय काठमाडौँले छुट्टा छुट्टै प्रदर्शन क्षेत्र तोकेको थियो ।
प्रदर्शन स्थल फरक भए पनि दुवै पक्षको र्यालीको जमघट हुँदा काठमाडौँको बल्खु चोकमा ढुङ्गामुढा र तोडफोड भएको छ ।
कालीमाटीबाट बल्खु हुँदै तीनकुने आउन लागेको युवा सङ्घको बाइक र्यालीमाथि बल्खु चोकमा दुर्गा प्रसाईँको समूहले ढुङ्गा प्रहार गरेपछि तोडफोड भएको हो ।
प्रहरीले स्थिति नियन्त्रणमा लिएपछि अहिले अवस्था सामान्य रहेको छ ।
प्रतिक्रिया राख्नुहोस्