मोटरसाइकल दुर्घटनामा दुई जनाको मृत्यु

रुपन्देही । रुपन्देहीका दुई स्थानमा भएका दुर्घटनामा २ जनाको मृत्यु भएको छ ।

बुटवल उपमहानगरपालिका २ पाखापानीस्थित सडकमा लु ६३ प ८१८५ नम्बरको मोटरसाइकल अनियन्त्रित भई सडकबाट खसेर बुधबार राति दुर्घटना हुँदा चालक प्युठान झिमरुक गाउँपालिका ५ घर भई बुटवल १३ बस्ने ४४ वर्षीय श्रीधर पोखरेलको मृत्यु भएको छ। दुर्घटनामा गम्भीर घाइते भएका उनको लुम्बिनी प्रादेशिक अस्पताल बुटवलमा उपचारको क्रममा मृत्यु भएको हो ।

यसैगरी रुपन्देही मायादेवी गाउँपालिका ४ मोतिपुरस्थित सडकमा बागमती प्रदेश ०१–०२७ च ११४४ नम्बरको भ्यानले लु २ प ७५७८ नम्बरको मोटरसाइकललाई बुधबार दिउँसो ठक्कर दिँदा मोटरसाइकल चालक सोही गाउँपालिका ५ बस्ने ६० वर्षीय खलिल धुनिया मुसलमानको मृत्यु भएको छ।

दुर्घटनामा गम्भीर घाइते भएका उनको भिम अस्पताल भैरहवामा उपचारको क्रममा मृत्यु भएको हो। प्रहरीले भ्यान चालकलाई नियन्त्रणमा लिएको छ।