मोटरसाइकल दुर्घटनामा चालकको मृत्यु
भक्तपुर । अरनिको राजमार्ग अन्तरगत भक्तपुरको सुर्यविनायक नगरपालिका–९ पलासे चोकमा मोटरसाइकल दुर्घटना हुँदा चालकको मृत्यु भएको छ ।
आज बिहान प्रदेश ३–०२–०१० प ६८९० नम्बरको मोटरसाइकल दुर्घटना हुँदा भक्तपुर सुर्यविनायक नगरपालिका वडा नं.९ महत गाउँ बस्ने २४ वर्षीय निश्चल महतको मृत्यु भएको हो ।
जगातीबाट साँगातर्फ जाँदै गरेको मोटरसाइकल आफैँ अनियन्त्रित भई दुर्घटना भएको प्रहरीले जनाएको छ ।
दुर्घटनामा गम्भीर घाइते भएका महतको मध्यपुर अस्पतालमा उपचारको क्रममा मृत्यु भएको जिल्ला प्रहरी परिसर भक्तपुरका सूचना अधिकारी प्रहरी नायब उपरीक्षक बसन्त पाठकले जानकारी दिनुभयो ।
महतलाई सुरुमा सुर्यविनायक नगर अस्पताल लगिएकोमा थप उपचारका लागि मध्यपुर अस्पताल रिफर गरिएको थियो ।
सोही अस्पतालमा उपचारको क्रममा मृत्यु भएको पाठकले जानकारी दिनुभयो ।
प्रतिक्रिया राख्नुहोस्