अध्यक्ष तिमिल्सिना र अष्ट्रेलियन राजदूत जिप लाइनमा सरर…(फोटोफिचर)
काठमाडौँ । राष्ट्रियसभा अध्यक्ष गणेशप्रसाद तिमिल्सिनाले पर्वतको हार्नेस जिप लाइनमा दोस्रो पटक सयर गर्नुभएको छ ।
कार्यक्रमको सिलसिलामा गृह जिल्ला पर्वत पुग्नुभएका अध्यक्ष तिमिल्सिनासँगै नेपालका लागि अष्ट्रेलियाका राजदूत फेलिसिटी भोल्कले पनि कुस्मा बजार नजिक कालीगण्डकी नदीको खोँचमा बनेको जीप लाइनमा सयर गर्नुभएको हो ।
अध्यक्ष तिमिल्सिना र राजदूत भोल्क सुपर म्यान जीप लाइनबाट १४ सय ८० मिटर दूरीको कालिगण्डकी किनारको रिसोटमा ल्याण्ड गर्नुभएको हो ।
जिप लाइन गरेपछि दुवै जनाले एकदमै रमाइलो र साहसिक अनुभव भएको बताउनुभयो ।
हार्नेस जिप लाइन प्रालि कुश्माले सञ्चालनमा ल्याएको सुपरम्यान जिप लाइन विश्वकै दोस्रो लामो भएको कम्पनीको दाबी छ ।
कालीगण्डकी नदीको सतहदेखि झन्डै २५० मिटरको उचाइबाट सुरु हुने जिप लाइन १४ सय ८० मिटर लामो रहेको छ ।
तस्बिर: अशोक पौडेल
प्रतिक्रिया राख्नुहोस्