ठोरीमा राष्ट्रिय वाणिज्य बैङ्कको एटिएम सेवा सञ्चालन
वीरगञ्ज । पर्साको ठोरी गाउँपालिका ५ सुवर्णपुरमा आजबाट राष्ट्रिय वाणिज्य बैङ्कको एटिएम सेवा सञ्चालनमा आएको छ ।
सुवर्णपुरमा रहेको राष्ट्रिय वाणिज्य बैङ्कमा सोमबारदेखि सञ्चालित एटिएम सेवाको ठोरी गाउँपालिकाका अध्यक्ष लाल बहादुर श्रेष्ठले उद्घाटन गर्नुभयो । ग्राहक बढ्दै गएपछि राष्ट्रिय वाणिज्य बैंकले ठोरीमा एटिएम सेवा सञ्चालन गरेको हो ।
![](https://onlineradionepal.gov.np/wp-content/uploads/2022/08/ठोरीमा-बैंकको-एटिएम-सेवा-संचालन-1.jpg)
एटिएम सेवा सञ्चालनमा आएपछि यस क्षेत्रका ग्राहकले बैङ्कमा धेरै बेर लाइन बस्नुपर्ने झन्झटबाट मुक्ति पाउने र कार्यालय समय भन्दा बाहेकका समयमा पनि ग्राहकले बैङ्किङ सुविधा पाउने बैङ्कका सहायक प्रमुख प्रकाश कुमार वर्णवालले बताउनुभयो ।
वाणिज्य बैङ्क सुवर्णपुरका शाखा प्रमुख यादव थपलियाको अध्यक्षतामा सम्पन्न कार्यक्रममा ठोरी ५ का वडाध्यक्ष अष्ट बहादुर लोप्चन, सुवर्णपुरका पूर्व गाविस अध्यक्ष जरी लामा, सुवर्णपुरका अगुवा सुन लामा लगायतको उपस्थिति रहेको थियो ।
प्रतिक्रिया राख्नुहोस्