चन्द्र नहरमा डुबेर २१ महिने बालकको मृत्यु

सप्तरी । सप्तरीको सप्तकोसी नगरपालिकामा चन्द्र नहरमा डुबेर २१ महिने बालकको मृत्यु भएको छ ।

जिल्लाको सप्तकोसी नगरपालिका २ सिद्धिपुरका राज कुमार रामको २१ महिने छोरा सन्दिप रामको नहरमा डुबेर मृत्यु भएको वडा नम्बर २ का अध्यक्ष जाहिर हुसेनले जानकारी दिनुभयो ।

घर नजिकैको चन्द्रनहर (छोटी नहर) को डिलमा खेल्दै गरेका राम बिहान ८ बजे नहरमा डुबेका थिए । मृतक बालकको शव अपराह्न १२ बजे १.५ किलोमिटर दक्षिण नहरमा फेला परेको प्रहरीले जनाएको छ ।