नवनियुक्त प्रधानमन्त्री देउवाबाट पद तथा गोपनीयताको शपथ
![](https://onlineradionepal.gov.np/wp-content/uploads/2021/07/pro_kTM.jpg5_-1024x642.jpg)
काठमाडौँ । राष्ट्रपति विद्यादेवी भण्डारीले प्रधानमन्त्री शेरबहादुर देउवालाई पद तथा गोपनीयताको शपथ गराउनुभएको छ ।
राष्ट्रपति कार्यालय, शीतल निवासमा आयोजित विशेष समारोहमा नवनियुक्त प्रधानमन्त्री देउवाले पद तथा गोपनीयताको शपथ लिनुभएको हो । सर्वोच्च अदालतको सोमबारको फैसलापछि राष्ट्रपति भण्डारीले आज नेपाली कांग्रेसका सभापति देउवालाई प्रधानमन्त्रीमा नियुक्त गर्नुभएको हो ।
![](https://onlineradionepal.gov.np/wp-content/uploads/2021/07/pro_kTM.jpg3_-1024x674.jpg)
समारोहमा संवैधानिक निकायका प्रमुख एवं पदाधिकारी, पूर्वप्रधानमन्त्री, राजनीतिक दलका नेता, नेपाल सरकारका उच्चपदस्थ कर्मचारी र सञ्चारकर्मीको उपस्थिति थियो ।
सर्वोच्च अदालतको फैसलापछि नेपालको संविधानको धारा ७६(५) अनुसार कांग्रेस संसदीय दलका नेता देउवा प्रधानमन्त्रीमा नियुक्त हुनुभएको हो ।
![](https://onlineradionepal.gov.np/wp-content/uploads/2021/07/pro_kTM.jpg6_-1024x594.jpg)
प्रतिक्रिया राख्नुहोस्