धुर्कोटका शिक्षकले दिए कोरोना कोषमा साढे चार लाख

कोरोना भाइरस सङ्क्रमण रोकथाम नियन्त्रण तथा उपचार कोषमा गुल्मीको धुर्कोट गाउँपालिकाका शिक्षकले चार लाख ३९ हजार भन्दा धेरै सहयोग गरेका छन् ।

गाउँपालिकाका भित्र शिक्षकहरुले २ दिनको पारिश्रमिक वापतको ४ लाख ३९ हजार ५५९ रुपैयाँ सहयोग गरेका हुन् ।

गाउँपालिकाले सहयोगका लागि गरेको अपिल र शिक्षकहरुले २ दिन बराबरको पारिश्रमिक दिने निर्णय अनुसार उनीहरुले सो सहयोग गरेका हुन् ।

गाउँपालिकाभित्रका ४७ विद्यालयका २२१ शिक्षकले रु आफ्नो तलवबाट सो रकम कटाएर राहतकोषमा जम्मा गरेका हुन्।