अमेरिकी उपराष्ट्रपतिका प्रेस सेक्रेटरी कोरोनाभाइरसबाट सङ्क्रमित

काठमाडौ। अमेरिकी उपराष्ट्रपति माइक पेन्सका शीर्ष सहयोगीमा कोरोनाभाइरसको सङ्क्रमण पुष्टि भएको छ । उपराष्ट्रपति पेन्सका प्रेस सेक्रेटरी कैटी मिलरमा कोभिड–१९ को सङ्क्रमण पुष्टि भएको हो ।
उपराष्ट्रपतिको प्रेस सेक्रेटरीमा कोभिड–१९ को सङ्क्रमण पुष्टि भएपछि अमेरिकी राष्ट्रपति डोनाल्ड ट्रम्प र उपराष्ट्रपति माइक पेन्सलाई दैनिक रुपमा कोरोनाभाइरसको परीक्षण सुरु गरिएको बीबीसीले उल्लेख गरेको छ । उहाँहरु दुबैजनालाई सुरक्षित राख्न हरसम्भव प्रयास गरिएको व्हाइट हाउसले जनाएको छ । अमेरिकामा कोभिड–१९ को संक्रमणबाट हालसम्म ७६ हजारको मृत्यु भइसकेको छ ।
बीबीसीले नाम उल्लेख नगरी एकजना अमेरिकी आधिकारीलार्ई उद्धृत गर्दै संक्रमित अधिकारीले हालै उपराष्ट्रपति पेन्सका प्रेस सेक्रेटरीसँग भेटघाट गरेको उल्लेख गरेको छ ।