बाजुरामा छेडेदह गोल्डकप हुने, विजेतालाई ३ लाख पुरस्कार
बाजुरा । बाजुरामा छेडेदह गोल्ड कप २०८१ सञ्चालन हुने भएको छ ।
छेडेदह स्पोर्टस् क्लबको आयोजनामा कार्तिक १ देखि ७ गतेसम्म गोल्डकप हुन लागेको हो । हरेक वर्ष दशैं तिहार विशेष हुने फुटबल प्रतियोगिता यो वर्ष देखि गोल्डकपको रुपमा आयोजना गर्न लागिएको क्लबका अध्यक्ष लोकेन्द्र खड्काले बताउनुभयो।
खप्तड छेडेदह गाउँपालिका र छेडेदह स्पोर्टस् क्लबको संयुक्त सहकार्यमा गोल्ड कप आयोजना हुन लागेको हो ।
गोल्डकपमा विजेतालाई तीन लाख र उपविजेतालाई दुई लाख पुरस्कार राशि घोषणा गरिएको छ । सुदूरपश्चिमका पहाडी जिल्लामा हुने खेल प्रतियोगिता मध्ये यो नै सर्वाधिक धनराशिको आयोजना रहेको दाबी क्लबले गरेको छ ।
खेल क्षेत्रको शान, छेडेदह गोल्डकप बाजुराको पहिचान भन्ने नारा दिएर गोल्डकप आयोजना गर्न लागिएको आयोजकले जनाएको छ ।
प्रतिक्रिया राख्नुहोस्