अतिक्रमित अस्थायी टहरामा बर्दघाटको डोजर अभियान
![](https://onlineradionepal.gov.np/wp-content/uploads/2024/05/IMG20240526153013-1024x771.jpg)
नवलपरासी,पश्चिम् । बर्दघाट नगरपालिकाले सडक छेउमा रहेका अतिक्रमित अस्थायी टहरा हटाएको छ।वर्षौँदेखि सार्वजनिक र बनको जगा अतिक्रमण गरी निर्माण गरिएका संरचना नगर प्रहरी,नेपाल प्रहरी र जनप्रतिनिधिको संयुक्त टोलिले उक्त संरचनामा डोजर चलाएको छ।
![](https://onlineradionepal.gov.np/wp-content/uploads/2024/05/IMG20240526180331_01-1024x576.jpg)
पूर्व पश्चिम् राजमार्गस्थित बर्दघाट ४ को बजार क्षेत्रमा डिभिजन बन कार्यालयको जगामा बनाइएका ९ वटा व्यावसायिक टहरा हटाइएको छ ।यसै गरी बर्दघाटको त्रिवेणी चोक दक्षिण तर्फ बसपार्क क्षेत्रका होटल तथा खाजाघर सञ्चालन रहेका अस्थायी घर टहरा हटाइएको नगरपालिकाले जनाएको छ ।बसपार्क अघि रहेका १५ वटा अस्थायी टहरा भत्काइने नगरले जनाएको छ ।
![](https://onlineradionepal.gov.np/wp-content/uploads/2024/05/IMG20240526152726_01-1024x576.jpg)
यस अघि बर्दघाट नगरपालिकाले सार्वजनिक जग्गामा निर्माण गरिएका संरचना हटाउन ७ दिन समयवधीको सूचना जारी गरेको थियो ।तर अग्रिम सूचना जारी गर्दा समेत संरचना नहटाएको भन्दै नगरपालिकाले अन्ततः डोजर चलाएको हो ।
![](https://onlineradionepal.gov.np/wp-content/uploads/2024/05/IMG20240526181502_01-1024x576.jpg)
बसपार्क वरिपरिका संरचना हटाएर सवारिसाधनहरुलाई पार्किङ व्यवस्थित गरिने नगरप्रमुख शम्भुलाल श्रेष्ठले बताउनुभयो । नगरपालिकाले सार्वजनिक जगा र सम्पत्तिको संरक्षणका लागि समेत डोजर अभियानलाई निरन्तरता दिने श्रेष्ठले बताउनुभयो।
![](https://onlineradionepal.gov.np/wp-content/uploads/2024/05/IMG20240526180801_01-1024x576.jpg)
सार्वजनिक जग्गामा निर्माण गरिएका अवैध संरचना हटाउने कार्यलाई अभियानकै रुपमा अघि बढाइने नगरपालिकाले जनाएको छ ।यता केही साना व्यवसायीहरूले भने विकल्प नदिईकनै भत्काउँदा जिकिकोपार्जनमा कठिनाइ हुने बताउँदै उपयुक्त विकल्प दिन समेत नगरपालिका सँग माग गरेका छन् ।
![](https://onlineradionepal.gov.np/wp-content/uploads/2024/05/IMG20240526182121-1024x771.jpg)
प्रतिक्रिया राख्नुहोस्