नरैनापुरमा नेपाली सेनाको निःशुल्क शिविर, साढे छ सय जनाले पाए उपचार

बाँके । नेपाली सेनाको श्री बज्र दल गणद्वारा आयोजित स्वास्थ्य शिविरबाट साढे छ सय जना स्थानीयवासी लाभान्वित बनेका छन् । बाँकेको नरैनापुर गाउँपालिकाको लक्ष्मणपुर प्राथमिक स्वास्थ्य केन्द्रमा आज बिहीबार नेपाली सेनाको श्री बज्र दल गणको आयोजनामा सञ्चालित शिविरमा छ सय ७० जना लाभान्वित भएका हुन् ।

श्री बज्र दल गणको आयोजनामा र नरैनापुर गाउँपालिकाको समन्वयमा शिविर सञ्चालन गरिएको थियो । स्वास्थ्य शिविरमा भेरी अस्पताल, नेपालगन्ज मेडिकल कलेज, नेपालगन्ज आँखा अस्पताल, शाही डेण्टल क्लिनिक, आइएचआरसी, सैनिक अस्पताल नेपालगन्ज र नरैनापुर गाउँपालिका स्वास्थ्य शाखाबाट खटिएको १६ जना स्वास्थ्यकर्मीको टोलीले स्वास्थ्य लगायतका सेवाहरू प्रदान गरेको थियो । 

दुर्गम स्थानमा रहेका नागरिकहरूलाई आधारभूत स्वास्थ्य सुविधा पु¥याउने उद्देश्यले गाउँपालिका अध्यक्ष इश्तियाक अहमद शाहको माग र आवश्यकताको आधारमा आयोजित शिविरमा मेडिकलतर्फ महिला ३३८, पुरुष २८२ र बालबालिका ५० जना गरी जम्मा छ सय ७० स्थानीयवासी लाभान्वित भएको बज्र दलका गणपति रबिन श्रेष्ठले बताउनु भयो । 

एकदिने शिविरमा मेडिकलतर्फ जनरल ओपिडी, हार्डजोर्नी, मनोरोग, दन्तसेवा, आँखा परीक्षण, ल्याब, युएसजी, स्त्री रोग लगायत सेवाहरू उपलब्ध गराइएको थियो । जनरल ओपिडीतर्फ ग्यास्ट्रिक, सुगर, प्रेसर, छाला तथा स्त्रीरोग सम्बन्धी समस्या भएका बिरामीहरू भेटिएको हुँदा उपचार तथा परामर्श सेवा दिएको नेपालगन्ज मेडिकल कलेजका निर्देशक डाक्टर रोमन केदवाईले बताउनु भयो ।

शिविरको समापन गर्दै नेपाली सेनाको श्री नं ४ बाहिनी अड्डाको सहायक रथी रोशन शमशेर राणाले नेपाली सेनाको जनहित कार्य सञ्चालन निर्देशिका–२०७७ अन्तर्गत विभिन्न दुर्गम स्थानमा माग र आवश्यकताअनुसार विपन्न, सिमान्तकृत र आधारभूत स्वास्थ्य सेवाबाट वञ्चित नागरिकलाई लक्षित गरेर शिविर आयोजना गर्ने गरिएको जानकारी दिनुभयो ।

नरैनपुर गाउँपालिका अध्यक्ष इश्तियाक अहमद शाहले नेपाली सेनाको आयोजनामा सञ्चालित स्वास्थ्य शिविरले स्थानीयवासीको स्वास्थ्य अवस्था सुधारमा सहयोग पु¥याउने बताउनुभयो ।

शिविरमा नेपाली सेनाका एक दर्जन बढी स्वास्थ्यकर्मी परिचालन गरिएका थिए भने ६० प्रकारको औषधि ल्याइएको थियो ।

निःशुल्क स्वास्थ्य जाँच र औषधि गरिने थाहा पाएपछि १ घण्टा पैदल यात्रा गरेर यहाँ पुगेको नरैनापुर गाउँपालिका– ६ कि ७० वर्षीया निशादर पठानिनले बताउनु भयो ।

लामो समयदेखि शरीर र छाती दुख्ने समस्याले उपचार शिविरमा पुगेकी हुँ । “आर्थिक अभावले उपचार गराउन नसकेको उहाँको भनाई थियो । उहाँले भन्नुभयो,“यहाँ आएर निःशुल्क जाँच गर्न तथा औषधि पाउँदा खुशी लाग्यो,” ।

कार्यक्रमको अवसरमा स्वास्थ्य शिविर सञ्चालन गर्न सहयोग पु¥याउने स्वास्थ्यकर्मीहरू डा. रोमन केदवाई, डा.कमर जहा, डा.रहुल कुर्मी, डा.अनुप सिंह रनहनेत्रा, डा.नइमुद्दीन अन्सारी, डा. मनिष कोलाक्षपति डा. अस्मिता गौतम, पङ्कज त्रिपाठी र डा. सिर्जु पोखरेल, करिस्मा शाही लगायतलाई प्रशंसापत्र सहित सम्मान गरिएको थियो ।