बन्दीपुरको केबलकार व्यावसायिक सञ्चालनमा 

काठमाडौँ । तनहुँको डुम्रेदेखि बन्दीपुरसम्मको केबलकार व्यावसायिक रुपमा सञ्चालनमा आएको छ ।

बन्दीपुर केबलकार एवं पर्यटन लिमिटेडले निर्माण गरेको केबलकार सहित अन्य संरचनाका लागि ६ अर्ब २९ करोड लगानी गर्ने योजना अनुसार पहिलो चरणमा केबलकार निर्माण गरिएको हो । 

केबलकार डुम्रेदेखि १.७ किलोमिटर लम्बाई रहेको लिमिटेडका उपाध्यक्ष किरण पोखरेलले जानकारी दिनु भयो । 

परियोजना अन्तर्गत माथिल्लो स्टेसनमा होटल समेत निर्माण भइरहेको छ भने तल्लो स्टेसनका सम्पूर्ण संरचनाहरू निर्माण सम्पन्न भएका छन् । होटल निर्माणको काम नसकिएकोले केबलकारको औपचारिक उद्घाटन भने भएको छैन ।