सामुदायिक विद्यालयलाई सूचना अधिकारी तोक्न निर्देशन
काठमाडौँ । काठमाडौँ महानगरपालिकाले यही जेठ १४ गतेभित्र काठमाडौँ उपत्यकामा सञ्चालित सबै सामुदायिक तथा संस्थागत विद्यालयलाई सूचना अधिकारी तोक्न निर्देशन दिएको छ ।
महानगरपालिकाको सञ्चार तथा सूचना ऐन, २०८० बमोजिम कामपाले यही जेठ १४ गतेभित्र सूचना अधिकारी तोकेर महानगरपालिकालाई जानकारी गराउन निर्देशन जारी गरिएको छ ।
महानगरपालिकाको शिक्षा विभाग प्रमुख गोविन्दप्रसाद शर्माका अनुसार कामपाले यसअघि पनि शैक्षिक सङ्घसंस्थालाई सूचना अधिकारी तोकेर विभागका पठाउन आग्रह गरेको तर कामपाको आग्रहअनुसार केही विद्यालयले मात्र सूचना अधिकारी तोकेको जानकारी प्राप्त भएकाले पुनः निर्देशन दिइएको हो । सूचना अधिकारी तोक्दा संस्थाको दोस्रो जिम्मेवारीमा रहेको व्यक्ति हुनुपर्ने उल्लेख छ ।
हाल महानगरपालिकामा ८७ सामुदायिक विद्यालय र ६ सय संस्थागत विद्यालय सञ्चालनमा रहेका छन् ।
यसअघि महानगरपालिका क्षेत्रमा सञ्चालित सहकारीहरूले सूचना अधिकारीको व्यवस्था गरी सहकारी विभागमा जानकारी गराएका छन् ।रासस
![](https://onlineradionepal.gov.np/wp-content/uploads/2024/05/सुचना-अधिकारीको-विवरण-उपलब्ध-गराउने-सम्बन्धमा-।-1489x2048-1-745x1024.jpeg)
प्रतिक्रिया राख्नुहोस्