इलाम–२ मतगणना : एमालेका नेम्वाङको फराकिलो अग्रता
इलाम । इलाम निर्वाचन क्षेत्र नं.२ मा भएको निर्वाचनको पछिल्लो मतगणनाअनुसार नेकपा (एमाले)का सुहाङ नेम्वाङको अग्रता कायम छ ।
नेम्वाङले ५ हजार ६७१ मतले नेपाली काँग्रेसका उम्मेदवार डम्बरबहादुर खड्कालाई पछि पार्नुभएको छ ।
पछिल्लो परिणामअनुसार सुहाङले १६ हजार ९४४ मत प्राप्त गर्दा काँग्रेसका खडकाले ११ हजार २७३ मत प्राप्त गर्नुभएको छ। त्यसैगरी स्वतन्त्र उम्मेदवार डकेन्द्रसिंह लिम्बुले ९ हजार ४४ मत रास्वपाका उम्मेदवार मिलन लिम्बु २ हजार ८०३ मत प्राप्त गर्नुभएको छ ।
यस क्षेत्रमा एक लाख १५ हजार आठ सय ८९ मतदाता रहेकामा ६९ हजार २ सय ८७ जनाले मतदान गरेको कार्यालयले जनाएको छ ।
नेकपा एमाले उपाध्यक्ष सांसद संविधानसभा अध्यक्ष सुवासचन्द्र नेम्वाङको गत भदौ २६ गते निधन भएपछि इलाम–२ मा उपनिर्वाचन भएको हो।
यहाँ १९ जना उम्मेदवार चुनावी मैदानमा छन् ।
प्रतिक्रिया राख्नुहोस्