टिप टेलरको ठक्करबाट एक जनाको मृत्यु
चितवन । चितवनमा टिप टेलरको ठक्करबाट एक जनाको मृत्यु भएको छ ।
शुक्रबार राती खैरहनीको मगनी चोकमा ०३–००१ ख २०४३ नम्बरको टिप टेलरले पहिचान नखुलेका अन्दाजी ३५ वर्षीय एक व्यक्तिलाई ठक्कर दिएको थियो ।
ठक्करबाट गम्भीर घाइते भएका उनको भरतपुर अस्पतालमा उपचारको क्रममा शुक्रबार राति मृत्यु भएको हो । ठक्कर दिई फरार भएको टिप टेलर र चालक मकवानपुर हेटौँडा बस्ने वर्ष ३२ का नारायण सुनामलाई प्रहरीले लोथरबाट नियन्त्रणमा लिएको जिल्ला प्रहरी कार्यालय चितवनले जनाएको छ ।
प्रतिक्रिया राख्नुहोस्