कोशी प्रदेशका मुख्यमन्त्रीविरुद्धको रिट निवेदनमा सुनुवाई सुरु
काठमाडौँ । सर्वोच्च अदालतले हेर्दा हेर्दैमा राखेको कोशी प्रदेशका मुख्यमन्त्री उद्धव थापाविरुद्धको रिट निवेदनमा आजको सुनुवाई सुरु भएको छ ।
मुख्यमन्त्री थापाविरुद्धको रिट निवेदनमा सुनुवाइ गर्न न्यायाधीशहरू सपना प्रधान मल्ल, कुमार चुडाल र नहकुल सुवेदीकै पूर्ण इजलासमा सुनुवाइको पेशी तोकिएको थियो ।
यसअघि भदौ १८ गते न्यायाधीशहरू सपना प्रधान मल्ल, कुमार चुडाल र नहकुल सुवेदीको पूर्ण इजलासले सुनवाई सुरु गरेको मुख्यमन्त्री थापाविरुद्धको रिट निवेदनमा बहस नसकिएपछि त्यसयता हेर्दा हेर्दैमा राखेर सुनुवाई भइरहेको छ ।
तीन न्यायाधीश रहेको पूर्ण इजलासमा दुवैतर्फको बहस आज सकिए आजै निर्णय सुनाउने सम्भावना रहेको छ ।
मुख्यमन्त्री थापाले प्रदेशसभाबाट लिएको विश्वासको मत अवैधानिक रहेको भन्दै पूर्वमुख्यमन्त्री हिक्मतबहादुर कार्कीले भदौ १७ गते सर्वोच्चमा रिट दायर गर्नुभएको थियो ।
मुख्यमन्त्री थापालाई प्रदेशसभामा अध्यक्षता गरेको व्यक्तिले समेत मतदान गरेको भन्दै विश्वासको मत असंवैधानिक रहेको रिट निवेदनमा दाबी गरिएको छ ।
प्रतिक्रिया राख्नुहोस्