कतारमा कुनै महिला उम्मेदवार निर्वाचित नहुँदा निराशा

कतारको पहिलो विधायिका निर्वाचनमा कोही पनि महिला उमेद्वार निर्वाचित नहुँदा महिला मतदाताहरू निराश बनेका छन् । यो सँगै अमीरले महिला प्रतिनिधित्व सुनिश्चित गर्न १५ सांसद् नियुक्त गर्दा महिलालाई समावेश गर्छन् कि गर्दैनन् भन्नेमा सबैको ध्यान केन्द्रित भएको छ ।

कतारको शुरा काउन्सिलमा ३० जना पुरुषहरू निर्वाचित भएका छन् जसमा दुई दर्जन भन्दा बढी महिलाहरू निर्वाचनको दौडमा थिए जसलाई पूर्ण संसद् भन्दा पनि लोकतन्त्रको महत्त्वपूर्ण पक्षको रूपमा हेरिएको छ।निर्वाचनमा पराजित उम्मेदवार आयशा जसिम अल-कुवारीले अमीरको कोटा अर्को विधानसभामा महिला प्रतिनिधित्व सुनिश्चित गर्नको लागि महत्त्वपूर्ण रहेको बताएकी छिन् । आयशा १४ जना पुरुष दावेदारहरू विरुद्ध चार अन्य महिलाहरू सँगै निर्वाचनमा भाग लिएकी थिइन्।

“हामी चार देखि पाँच महिला नियुक्त हुने आशा गर्दछौं किनकि महिलाहरूको उपस्थिति धेरै महत्त्वपूर्ण छ।”केही महिला उम्मेदवारहरू पक्कै निराश भएका छन् किनकि उनीहरूले बलियो कार्यक्रम प्रस्तुत गरेका थिए तर पनि पुरुष उमेद्वार नै विजयी भए, उनले भनिन्।अमीरले गर्ने नियुक्ति कहिले हुनेछ वा कहिले परिषद बैठक बस्नेछ भन्ने बारे अझै स्पष्ट भएको छैन।

अर्की मतदाता शम्माले आफ्नो पूरा नाम खुलाउँन अस्वीकार गर्दै भनिन् “म खुसी छैन किनकि ती सबै (विजेता) पुरुष हुन् – उनीहरू मध्ये केही पुराना छन्। इमान्दारिता पूर्वक भन्नुपर्दा म अचम्ममा परेकी छु यो परिणाम उचित छैन जहाँ महिलाको प्रतिनिधित्व शून्य छ ।”यसैगरी गल्फ इन्टरनेशनल फोरमकी निर्देशक डानिया थाफेरले ट्वीटमा लेखेकी छिन् “मँ अमीरले महिलालाई नियुक्त गर्ने प्रबल सम्भावना देखेको छु”। कतारमा शनिबार भएको विधायिका निर्वाचनलाई निकै चासो पूर्वक हेरिएको थियो ।एएफपी