नेपाल फिलिपिन्ससँग २–१ ले पराजित
काठमाडौं । नेपाल एएफसीसी वुमेन्स एसिया कप छनोट खेलमा फिलिपिन्ससँग २–१ ले पराजित भएको छ ।
उज्वेकिस्तानको जेएआर स्टेडियममा शनिबार भएको खेलमा पहिलो हाफमा नै एक गोलको अग्रता लिएको नेपालले बलियो टिम फिलिपिन्सविरुद्ध सुरुवाती अग्रता जोगाउन नसक्दा हार बेहोर्नु परेको हो ।
खेलको १० औँ मिनेटमा विमला चौधरीले हेड मार्फत उत्कृष्ट गोल गर्दै नेपाललाई सुरुवाती अग्रता दिलाएकी विमला खेलको ३९ औँ मिनेटमा चोट बोक्दै मैदानबाट बाहिरिनु पर्यो ।
विमलाको यो नेपालका लागि पहिलो गोल हो ।
खेलको अन्त्यतिर फिलिपिन्सले दुई गोल प्रहार गर्यो । जसमा फिलिपिन्सले खेलको ९० औँ मिनेटमा बराबरी गोल गर्यो भने इन्ज्युरी समयमा गरेको गोल निर्णायक गोल बन्न पुग्यो ।
प्रतिक्रिया राख्नुहोस्