सिमेन्टको पिलर लडेर किच्दा एक बालकको मृत्यु
इलाम । इलाम नगरपालिकामा सिमेन्टको पिलर लडेर किच्दा एक बालकको मृत्यु भएको छ ।
इलाम नगरपालिका–१, नेपालटारका हर्कबहादुर गुरुङको घरमा डेरा गरी बस्ने ८ वर्षे ग्रेसदीप रिजालको निधन भएको प्रहरीले जनाएको हो ।
भित्तामा ठड्याएर राखेको कम्पाउन्ड बेरा गर्ने सिमेन्टको खम्बा लडेर किच्दा खेलिरहेका बालक गम्भीर घाइते भएका थिए। घाइते बालकलाई उपचारका लागि इलाम अस्पताल ल्याइएको थियो । अस्पतालमा पुर्याइएपनि चिकित्सकले उनलाई मृत घोषणा गरेका छन् ।
इलाम नगरपालिकाको खरेल डाँडाका बालक नेपालटारमा डेरा गरी बसेका थिए। घट्नाबारे अनुसन्धान भइरहेको जिल्ला प्रहरीका डिएसपी गङ्गाबहादुर थापाले जानकारी दिनुभयो।
घटनाबारे थप अनुसन्धान भइरहेको प्रहरीले जनाएको छ।
प्रतिक्रिया राख्नुहोस्