नेपाली बजारमा सुनको मूल्य स्थिर
काठमाडौं । विगत दुई दिनदेखि नेपाली बजारमा सुनको मूल्य स्थिर रहेको छ । तीन दिनअगाडि सात सयले बढेको सुनको मूल्य साताको अन्तिम दिन शुक्रबार स्थिर छ । चाँदीको मूल्य भने बढेको छ ।
बिहीबारको तुलनामा शुक्रबार बजारमा चाँदी ५ रुपैयाँले बढेको हो । नेपाल सुनचाँदी व्यवसायी महासंघका अनुसार छापावाला सुन शुक्रबार प्रतितोला ७० हजार ६ सय रुपैयाँमा कारोबार भएको छ ।
तेजावी सुन प्रतितोला ७० हजार ३ सय रुपैयाँमै कारोबार भइरहेको महासंघले जनाएको छ । चाँदी भने पाँच रुपैयाँले बढेर प्रतितोला ८ सय ५० रुपैयाँमा कारोबार भइरहेको छ ।
प्रतिक्रिया राख्नुहोस्