नेपाल र अष्ट्रेलियाबीच हुने खेलको समय परिवर्तन
काठमाडौं । नेपाल र अष्ट्रेलियाबीच हुने विश्व कप छनोटअन्तर्गत समूह चरणको खेलको समय परिवर्तन भएको छ ।
यसअघि अष्ट्रेलियाको समय अनुसार दिउँसो ४ बजे सुरु हुने भनिएपनि नयाँ समय अनुसार अब रातको ८ बजे हुने भएको छ ।
अब नेपाली समयअनुसार खेल २.४५ बजे सुरु हुनेछ । नेपाल र अस्ट्रेलियाबीचको खेल असोज २३ गते क्यानबेरास्थित जियो स्टेडियममा हुने तय छ ।
नेपाली टोली सोही खेलका लागि बुधबार अस्ट्रेलिया प्रस्थान गरेको छ । नेपाली टोलीले सिड्नीस्थित प्राइभेट फुटबल एकेडेमीमा केही दिन प्रशिक्षण गर्ने कार्यक्रम रहेको अखिल नेपाल फुटबल संघ (एन्फा) ले जानकारी दिएको छ ।
अस्ट्रेलियासँग खेलको भोलिपल्ट असोज २४ गते नेपाली टोली जोर्डन प्रस्थान गर्नेछ । नेपाल र जोडर्नबीच असोज २८ गते खेल हुनेछ । त्यसपछि नेपाली टोली स्वदेश फर्कनेछ ।
एसियाको विश्व कप छनोटको समूह बी मा रहेका ५ मध्ये ४ टोली कुवेत, अस्ट्रेलिया, जोर्डन र नेपालको समान ३ अंक छ भने चाइनिज ताइपेइ अंक विहिन छ ।
प्रतिक्रिया राख्नुहोस्