माछा मार्ने क्रममा पोखरीमा डुबेर बालकको मृत्यु
चितवन । चितवनको खैरहनी नगरपालिकामा पोखरीमा बल्छी थापेर माछा मार्ने क्रममा डुबेर १० वर्षीय बालकको मृत्यु भएको छ ।
खैरहनी नगररपालिका वडा नम्बर १० जीवनपुरका सञ्जय चौधरीको छोरा सिमानस चौधरीको मृत्यु भएको हो । जिल्ला प्रहरी कार्यालय चितवनका अनुसार स्थानीय यादव पुनको माछापोखरीमा सोमवार दिउँसो साढे ३ बजे बल्छी थापेर माछा मार्ने क्रममा डुबेका थिए ।
बालकलाई पोखरीबाट निकालेर उपचारको लागि भरतपुर अस्पताल पठाइएकोमा उपचारको क्रममा सोमवार बेलुका ५ः५० बजेको समयमा मृत्यु भएको कार्यालयका प्रवक्ता श्रीराम भण्डारीले जानकारी दिनुभयो । यसबारेमा थप अनुसन्धान भइरहेको प्रहरीले जनाएको छ ।
प्रतिक्रिया राख्नुहोस्