जीप दुर्घटनामा १४ घाइते
पाँचथर । पाँचथरको हिलिहाङ– ७ सल्लेरीमा आइतबार जीप दुर्घटना हुँदा १४ जना घाइते भएका छन् ।
ताप्लेजुङ बाट झापाको बिर्तामोडतर्फ जाँदै गरेको मे १ज १९४७ नम्बरको जीप अनियन्त्रित भई सडकबाट करिब ५० मिटर तल खसेको हो । दुर्घटनामा सवारी चालक सहित १४ जना घाइते भएको जिल्ला प्रहरी कार्यालय पाँचथरले जनाएको छ ।
घाइतेहरूको जिल्ला अस्पताल पाँचथरमा उपचार भइरहेको जिल्ला प्रहरी कार्यालय पाँचथरका सूचना अधिकारी प्रहरी निरीक्षक सुमित कुशवाहले जानकारी दिनुभयो ।
घाइतेमध्ये ७ जनालाई थप उपचारका लागि झापा लगिएको जिल्ला प्रहरी कार्यालय, पाँचथरले जनाएको छ ।
प्रतिक्रिया राख्नुहोस्