नेपाली सेनाद्वारा टुँडिखेलमा फूलपातीको बढाइँ
काठमाडौँ । दसैँको सातौँ दिन, फूलपातीको अवसरमा आज नेपाली सेनाले सैनिक मञ्च टुँडिखेलमा फूलपातीको बढाइँ गरेको छ ।
सेनाले फूलपाती बढाइँ कवाज प्रदर्शन गर्नुका साथै सैनिक हेलिकप्टरबाट पुष्पवृष्टि गरेको थियो ।
समारोहमा नेपाली सेनाको टुकडीले राष्ट्रपति पौडेललाई सलामी अर्पण गरेको थियो ।
समारोहमा राष्ट्रपति रामचन्द्र पौडेल, उपराष्ट्रपति रामसहाय यादव, प्रधानमन्त्री पुष्पकमल दाहाल, प्रधानन्यायाधीश, सभामुख लगायतको उपस्थिति थियो ।
नेपाली सेनाले गोर्खाबाट ल्याइएको जमरा र फूलपाती हनुमान ढोकाको दसैँघरमा भित्र्याउने साइत मिलाएर टुँडिखेलमा फूलपाती बढाइँ गर्ने गरिन्छ ।
बडादसैँका सन्दर्भमा गरिने फूलपाती बढाइँ धर्म, संस्कृति र परम्परालाई निरन्तरता दिने विशिष्ट मौलिक कार्यक्रम मानिन्छ ।
प्रतिक्रिया राख्नुहोस्