चलचित्र ‘प्रसाद–२’ प्रदर्शन नगर्न आदेश

काठमाडौं । उच्च अदालत पाटनले चलचित्र ‘प्रसाद २’ प्रदर्शन गर्ने निर्णय तत्काल कार्यान्वयन नगर्न अल्पकालीन अन्तरिम आदेश दिएको छ ।

न्यायाधीश सुदर्शनराज पाण्डेको एकल इजलासले आज उक्त चलचित्रको आउँदो शुक्रबारदेखि प्रदर्शन गर्ने कार्य तत्काल नगर्न नगराउन आदेश दिएको हो ।

चलचित्र निर्माता सुवास थापाले आफ्नो रकम नदिएको उल्लेख गर्दै केशव पाण्डेले प्रदर्शन रोक्न माग गरेर रिट निवेदन दायर गर्नुभएको थियो ।

चलचित्र विकास बोर्डमा उजुरी दर्ता गर्न अस्वीकार गरेपछि पाण्डे अदालत पुग्नुभएको हो । उक्त विवादमा दुवै पक्षलाई छलफलका लागि यही चैत २६ गते बोलाइएको छ । रासस