विश्व वातावरण दिवसको अवसरमा महोत्तरीमा वृक्षरोपन
बर्दिबास । विश्व वातावरण दिवसको अवसरमा महोत्तरीमा वृक्षरोपन गर्न सुरु गरिएको छ ।
‘सुरक्षित जीवनका लागि जैविक विविधता’ भन्ने मूल नाराका साथ प्रदेश वन विकास तथा व्यवस्थापन कार्यक्रम अन्तर्गत बर्दिबासस्थित नेवार डाँडा—कामी डाँडा सामुदायिक वनको खाली ठाउँबाट वृक्षरोपन सुरु गरेको हो ।
दिवसको अवसरमा प्रदेशसभा सदस्य शारदादेवी थाप सहितका स्थानीयले नेवार डाँडा—कामी डाँडाको भिर पाखामा पहिरो रोकथामका लागि चार सय बासका बिरुवा रोप्न सुरु गरेका छन् ।
चुरे जोगाऊँ, मधेस बचाऊँ भन्ने नाराका साथ डिभिजन वन कार्यालय महोत्तरी एक सात अघिदेखि नै वृक्षरोपन कार्यक्रम थालिसकेका छन् ।
चालु आवमा डिभिजन वन कार्यालयले साँढे आठ लाख बिरुवा वृक्षरोपन गर्ने डिभिजन वन कार्यालय महोत्तरीका प्रमुख हेमन्त साहले बताउनुभयो ।
उहाँका अनुसार, सम्म परेको ठाउँमा साल, सिसौ, कर्मा, टिक, सतिशाललगायतका प्रजातिका बिरुवा लगाइनेछ ।
वृक्षरोपनमा गाउँले, स्थानीय सरकार र राजनीतिक दलको साथले वन कार्यालयका कर्मचारीहरू उत्साहित भएका छन् ।
प्रतिक्रिया राख्नुहोस्