मिनहादुर जोडिएको ललिता निवास प्रकरणसँग कीर्तिपुर को जग्गाको कुनै साइनो छैन: महासचिव पोखरेल

कोहलपुर । नेकपा एमालेका महासचिव शङ्कर पोखरेलले एमालेले व्यवसायीबाट जग्गा सहयोग लिनु आश्चर्यको विषय नभएको बताउनु भएको छ । बाँकेको कोहलपुरमा कार्यकर्तालाई सम्बोधन गर्नुहुँदै महासचिव पोखरेलले व्यवसायी मिनबहादुर गुरुङले  १० रोपनी १४ आना जग्गा सहयोग गर्न चाहेपछि एमालेले सहर्ष स्वीकार गरेको बताउनुभयो । ‘उहाँले एमालेलाई पार्टी कार्यालय बनाउने जग्गा दिन इच्छा जाहेर गर्नुभयो ।’ महासचिव पोखरेलले भन्नुभयो,”हाम्रो सचिवालयको बैठकले जग्गा सहयोग स्वीकार गर्ने निर्णय गरेकाले लिएका हौँ ।”

मिनहादुर गुरुङसँग जग्गा सहयोग लिँदा कुनै अदृश्य सम्झौता नगरेको दाबी गर्दै महासचिव पोखरेलले गुरुङ जोडिएको ललिता निवास प्रकरण सँग एमालेले लगेको कीर्तिपुर को जग्गाको कुनै साइनो नभएको बताउनुभयो । एमालेलेलाई कमजोर बनाउन चाहने तत्वले जग्गा सहयोग लिएको विषयलाई अनावश्यक रूपमा गलत प्रचार गरेको पोखरेलको भनाई छ ।