रातो बाँदरलाई कृषि हानिकारक वन्यजन्तु घोषणा गरिने : मन्त्री शाही
काठमाडौँ । वन तथा वातावरण मन्त्री ऐनबहादुर शाहीले रातो बाँदरलाई कृषि हानिकारक वन्यजन्तु घोषणा गरि राजपत्रमा प्रकाशित गर्न लागिएको बताउनुभएको छ ।
![](https://onlineradionepal.gov.np/wp-content/uploads/2024/08/ein-bahadur-shahi-1024x683.jpg)
आइतबार प्रतिनिधि सभा अन्तरगतको कृषि सहकारी तथा प्राकृतिक स्रोत समिति बैठकमा वन मन्त्री शाहीले रातो बाँदरलाई कृषि हानिकारक वन्यजन्तुमा घोषणा गरि राजपत्रमा प्रकाशित गर्न लागिएको र कृषि हानिकारकको रुपमा बँदेलको म्याद थप गरिएको बताउनुभयो ।
रातो बाँदर किसानको खेतबारीमा आएर अन्नबाली हानी नोक्सानी पुर्याई हैरानी दिइरहेकोले कृषि हानिकारक वन्यजन्तुमा घोषणा गर्नुपर्ने अवस्था आएको उहाँको भनाई छ ।
वन मन्त्री शाहीका अनुसार वन्यजन्तु ऐन संशोधन गर्न मन्त्रालय पूर्ण रुपमा सहमत छ । बिकास निर्माणमा वातावरणीय अध्ययन प्रक्रिया पनि निकै गाह्रो र झन्झटले विषय भएको र उक्त प्रक्रियालाई पनि सहज बनाउन मन्त्रालयको ध्यानाकर्षण भएको उहाँले बताउनुभयो ।
प्रतिक्रिया राख्नुहोस्